„Имам 19 години и сум модел со Даунов синдром - сакам да ги инспирирам сите да ги следат своите соништа“

Детали

вторник, 14 декември 2021

Браво! Ели од Велика Британија е доказ дека соништата се исполнуваат само ако силно посакате. 

Ели Голдстајн е првиот модел со Даунов синдром што позираше за брендот Gucci, а нејзините фотографии се појавија во италијанскиот Vogue и низа други магазини.  19-годишната девојка од Велика Британија не престанува да реди успеси, а сега се најде на насловната страница на магазинот „Fabulous“ по повод изборот жена на годината.

Таа вели дека главна цел ѝ е да покаже што може да се постигне со верба во себе. Сака да ги охрабри сите да ги следат нивните соништа. Уште од 3-годишна возраст е пред камерите, а години наназад работи како модел.

„Сум била дел од толку многу кампањи што тешко ми е да ги запомнам сите“, вели низ насмевка девојката за која докторите предвидувале кога се родила дека нема да може да оди, да зборува и да води самоостоен живот.

Нејзината 57-годишна мајка Ивон вели дека е пресреќна кога гледа како нејзината ќерка позира пред камерите, како руши бариери во модниот свет и реди успеси.

С. С. | Црнобело