„Јас сум поранешен шпион – тренирана сум да ги заведувам метите, имав секс обука на академија“

Детали

вторник, 22 март 2022

„На воената академија нè учеа како да направиме мажот да се вљуби во нас, па дури и да нè запроси. Советите беа да бидеме интригантни, мистериозни, но исто така тој да го има најдобриот секс во животот со нас, за потоа да сподели доверливи информации со нас...“

Алиа Роза (37), родена во Русија, а со потекло од Казахстан, вели дека од 18 години одела на воена академија во близина на Москва и била тренирана да биде таен агент.

Вели дека уште во раните 20-ти одела на тајни мисии и тоа со нарко дилери и криминалци вмешани во трговија со луѓе.

Алиа, која сега е мајка на 1 детенце, открива каква обука имала на академијата за да биде врвен шпион.

„Учев разни техники, ни покажуваа дури и како да заведувавме, да манипулираме, потоа како да користиме различни видови на оружје, боречки вештини и низа други работи за да бидеме совршени војници на терен.

Се запишав на воената академија поради мојата семејна позадина, но и затоа што сакав да спречам дрогата од Авганистан да пристигнува во нашата земја, но и да ставам крај на трговијата со луѓе во Русија“.

Таа открива дека со уште неколку девојки била тренирана како да го користи добриот изглед за максимум ефект, а по извесен период била испратена да работи надвор од земјата.

Според неа имала дури и специјални лекции за како да изведува секс чин со личноста што ѝ е мета.

„Нè учеа како да направиме мажот да се вљуби во нас, па дури и да нè запроси. Советите беа да бидеме интригантни, мистериозни, но исто така тој да го има најдобриот секс во животот со нас. На академијата не само што ни кажуваа како да го правиме тоа, туку и ни покажуваа.

Заведувањето беше планирана стратегија за која треба време и треба работите да се прават чекор по чекор. Моравме да бидеме најдобрите љубовници.

Моравме да знаеме како да ја натераме метата да се вљуби во нас за да ни ги довери потребните информации. И тука сексот игра голема улога.“

Алиа сега води поинаков стил на живот и со детето и партнерот живее во раскошна вила во Беверли Хилс, Калифорнија.

Признава дека го променила името и сега води своја компанија за односи со јавност.

С. С. | Црнобело