Правеше луксузни секс-забави, сопругите ги менува за помлади, а на 85 години се ожени по третпат – Факти за Силвио Берлускони

Паралелно со другите скандали, познато е дека Берлускони трипати неделно во својата вила во Милано организирал секс-забави, познати и како „Бунга-бунга“ забави. Берлускони самиот тврди дека никогаш не бил „светец“, но тврди дека никогаш не платил за секс со жена.

„Не можам да разберам во што би било задоволството ако не уживате во освојувањето“ – рече тој.

Главен сведок во случајот со малолетна проституција и со секс-забавите беше Мароканката Иман Фадил која тврдеше дека видела две млади девојки облечени во костуми на калуѓерки како изведуваат стриптиз пред него, а тој им дал 2.000 евра во кеш и им рекол: „Не се навредувајте“. Наводно, едната од тие девојки била малолетна.

Фадил исто така пишувала и книга насловена I Met the Devil за сатанистички секс култ, за која таа тврдеше дека се базира на вилата на Берлускони.

Во 2020-та година, се чинеше дека Берлускони по издржувањето на казната со извршување на општествени работи конечно успева да го поправи имиџот, кога главниот сведок во неговиот случај со секс-забавите Мароканката Иман Фадил ненадејно почина во болница во Милано, откако претходно ѝ откажаа повеќе органи.

Светските медиуми пишуваа дека наводно кај Иман биле најдени голем број на радиоактивни супстанци, нејзиниот адвокат тврдеше дека станува збор за труење, но никој не бил обвинет за сомнителното убиство. По аутопсијата кај неа не биле најдени вакви супстанци, а Берлускони тврди дека никогаш не ја запознал Фадил.

Силвио Берлускони ја започна врската со Марта Фашина откако во 2000-та година раскина со претходната девојка Франческа Паскале, која на возраст од 34 години била премногу стара за него.

Б. С. Б. | Црнобело