Од монтер на клими до милионер - Кој е Игор Ковитски, чија сопруга се обиде да изнесе 30 милиони долари од Украина?

Во украинските медиуми редовно внимание привлекува неговата 24-годишна ќерка од првиот брак со Ала Ковитска, Виолета, која постојано објавува фотографии од нејзиниот луксузен начин на живот.

Скапа облека, крзно, скап накит, луксузни забави... Ова може да се забележи речиси на сите фотографии што досега ги објавува младата Виолета која пред пандемијата студираше во Швајцарија, а потоа се префрли на Факултетот за Фармација во Украина каде нејзината мајка Ала работи како ректор.

Игор со неговата сегашна сопруга Анастасија се ожени во декември минатата година. За неа се знае дека до 2018-та година работела во јавната администрација во Харков, а тогаш пријавила дека има сопствено богатство од 95.000 долари до 1.84 милиони долари.

По напуштањето на функцијата во јавната администрација Анастасија почнала да работи во приватниот сектор.

Според најновите информации, Анастасија е во последните денови од бременоста, а се обидувала да замине во Унгарија за да се породи со своето прво дете.

Б. С. Б. | Црнобело