Како изгледа животот во бразилското село во кое живеат само жени? (фото)
- Детали
- недела, 12 јуни 2022
„Мажите може да ги гледаат сопругите само за викенд, мајките мора да ги избркаат синовите кога ќе наполнат 18 години...“, ова се двете главни правила што мора да се почитуваат во малото селце Новиа до Кордеиро, што важи за феминистички рај.
Ова е село во кое нема хиерархија и нема привилегии, сите одлуки врзани за селцето се носат заеднички со кафе и колачи. Сите се грижат за постарите. Новиа до Кордеиро е феминистички рај во Бразил, а станува збор за селце во кое главниот збор го имаат жените.
Селото било основано во 1891-ва година од страна на Мариа Сењорина де Лима, девојка која сакала да побегне од присилен брак. Таа веќе била вљубена во друг маж и побегнала со него, заради што била означена како прељубница и била протерана од родното село, а казната важела за пет генерации од нејзините наследници.
Така, таа одлучила да креира мала земјоделска заедница каде се слуша гласот на жената, а речиси 200 години подоцна во селото владее едно најважно правило: „Жената го има главниот збор, а мажите може да бидат само гости“.
Во селото има околу 600 жени и според нивните правила, сопрузите на мажените жени може да ги посетуваат само за викенд, а машките деца треба да си заминат од селото веднаш штом ќе станат полнолетни.
Оние жени што нема да ги почитуваат овие правила се соочуваат со исклучување од селото.
Според написите во медиумите, иако жителките на селото се задоволни од животот што го водат, сепак, кај помладите се јавува незадоволство, затоа што копнеат еден ден да ја најдат вистинската љубов.
„Овде во Новиа до Кордеиро, живееме многу добро, иако сме само жени. Во многу работи жените се подобри од мажите.
Нашето село е поубаво, поорганизирано и животот е многу похармоничен, но, за жал, заборавив како изгледа да бакнеш некого, а сите мажи што ги гледаме ни се или братучеди или роднини“ – вели Нелма Фернандез, 23-годишна жителка на селото.
Таа и уште неколку други девојки побарале да им се дозволи да најдат сопрузи, но нивните партнери ќе мора да се согласат со најважното правило, во селото, а тоа е своите сопруги да ги гледаат само за викенд.
Инаку, селото има свој Инстаграм профил, погледнете дел од фотографиите:
Б. С. Б. | Црнобело
Би можело да ве интересира:
Препорачуваме
Најчитани неделава
