Била родена како вонбрачно дете на сопственикот, а денес е на чело на ZARA - Приказната на Марта Ортега наликува на шпанска серија

Детали

сабота, 15 октомври 2022

Пораснала во луксуз, но важи за мошне скромна личност иако најдобри пријателки ѝ се кралицата Летиција и Атина Оназис. Нејзините родители стапиле во брак дури кога наполнила 15 години, но важела за миленичка на татко ѝ – факти за Марта Ортега, наследничката на ZARA.

Познатиот бренд ZARA е меѓу омилените во светот, а честопати и Кејт Мидлтон и кралицата Летиција, биле забележани во нивни модели. Компанијата е основана од страна на Амансио Ортега, а неодамна него го наследи неговата ќерка Марта Ортега.

Приказната на Марта е исполнета со интересни детали и факти, а понекогаш наликува и на шпанска серија, со скандалозен почеток, но среќен крај.

Приказна за тоа како девојчето што било родено во вонбрачна заедница на мошне богат и влијателен човек, еден ден ќе стане негова единствена наследничка...

Основачот на ZARA, Амансио Ортега (86) бил двапати во брак: првиот пат со жената што му помогнала да го основа брендот Розалија Мера, а вториот пат со 16 години помладата од него, Флора Перез.

Од бракот со Розалија, Амансио добил две деца: ќерката Сандра (54) и синот Маркос (51) кој бил роден со церебрална парализа.

Најстарата ќерка на Амансио, Сандра денес е позната како најбогатата жена во Шпанија, која наследи околу 7 отсто од акциите што нејзината мајка ги поседувала во компанијата Inditex, а освен тоа има акции во фармацевтската компанија PharmaMar.

Сандра е дипломиран психолог, а во целост е посветена на работата на фондацијата посветена на луѓето со ментална и физичка попреченост основана од страна на нејзината мајка Флора.

Уште додека бил во брак со мајката на Сандра, Амансио ќе ја почне аферата со Флора Перез, а во 1984-та година ќе ја добие ќерката Марта.

И покрај тоа што добил друго дете со љубовницата, Амансио и Розалија биле во брак уште две години, сѐ до 1986-тата година, а со Флора (мајката на Марта) се оженил дури во 2001-ва година, кога неговата ќерка наполнила 15 години.

Во продолжение неколку интересни факти за жената што минатата година застана на чело на ZARA:

За Марта се вели дека уште откако се родила била миленичка на нејзиниот татко. Затоа што многу сакала да јава коњи, татко ѝ ѝ купил фарма уште додека била девојче, а се образовала во приватно католичко училиште во Шпанија, па потоа во интернационално училиште во Швајцарија, пред да се запише на Европскиот Универзитет за бизнис со Лондон.

На возраст од 23 години почнала да ги учи тајните на семејниот бизнис, така што почнала да работи во продавницата на ZARA во Лондон. Работниот ден ѝ поминувал во редење роба и услужување клиенти, а никој од вработените не знаел дека со нив работи ќерката на газдата на компанијата.

Иако морала да почне да работи од најниското ниво во компанијата, Марта пораснала во друштво на некои од најбогатите жени во светот, како кралицата Летиција и Атина Оназис (внуката на грчкиот бродоградител).

Продолжува на следната страна...