Го продала бубрегот, 4 години работела како маж за да го храни семејството - тажната приказна на 32-годишна мајка (фото)

Детали

среда, 04 јануари 2023

Четири години се облекувала како маж, па дури и го променила своето име за да работи како градежник, си продала еден бубрег за да ги отплати долговите и за да може да го прехрани семејството – тажната приказна на Бахија Али Сулејман го обиколи светот.

Додека голем број од земјите се гордеат со тоа што постои рамноправност помеѓу половите во поглед на вработувањето, тоа не може да се каже и за Египет.

Во оваа земја, на жените не им е забрането да работат, но една 32-годишна жена морала во целост да го промени сопствениот идентитет за да може да обезбеди егзистенција за сопственото семејство, работејќи „машка“ професија.

Бахеја во 2017-та година гостуваше во емисија на телевизиите во Египет и ја раскажа својата тажна приказна за тоа како откако нејзиниот сопруг се разболел, таа морала да почне да работи во градежништвото.

На почетокот на работа одела облечена во абаја (долга наметка) и со бурка, но постојано се соочувала со потсмев и критики, заради што одлучила да ја скрати косата, да почне да се облекува како маж и да работи на градилиште.

Четири години Бахеја работела на градилиште преправена во маж, а по завршувањето на работното време возела Тук Тук, трицикл со приколка.

Во тие 4 години, таа дури го променила и името, па колегите на градилиште ја викале Бакир, а речиси никој и не знаел дека таа е Бахеја.

Во еден миг, за да ги исплати долговите и за да не заврши во затвор, морала да го продаде бубрегот по цена од 1.400 долари.

„Кога го продадов бубрегот бев многу уморна и едвај стоев на нозе“ – раскажува таа.

Таа беше прогласена за „мајка на годината“, а во своето гостување призна дека ѝ недостасува да се облекува како жена и да изгледа женствено.

„Ме боли кога ќе видам жени што се убаво и женствено облечени“ – рече таа.

Приказната на Бахија го обиколи светот како приказна за храбороста на оваа мајка и жена која е подготвена да направи сѐ за своето семејство и за своите деца.

 Б. С. Б. | Црнобело