Маж од Индија 43 години сади по едно дрво секој ден: „Сакам земјата да биде поубава за идните генерации“

Детали

вторник, 28 февруари 2023

На возраст пд 16 години овој човек почнал да сади по едно дрво секој ден. Денес има шума што се протега на 15 фудбалски игралишта.

Јадав Пајенг ја добил титулата „Човек од шумата“ од владата на Индија, затоа што претворил земја во бујна зелена шума. Му биле потребни 30 години за земјата да се претвори во шума, а почнал да сади во 1979 година и тоа го прави и денес.

Во 1979 година, на возраст од 16 години, тој почнал да сади по едно дрвце дневно.

Денес, со таа практика на едно дрво на ден, тој сам создаде шума која се протега на големина од 15 фудбалски игралишта.

Шумата на Пајенг е именувана како шума Молаи (бидејќи така го нарекувале кога бил дете), а посетителите и еколозите патуваат од целиот свет за да ја видат.

Сега шумата е дом на многу птици и други животни кои уживаат во зелените дрвца.

Според експертите за диви животни, шумата привлекува 80% од птиците преселници во светот.

Шумскиот човек од Индија вели дека децата мора да се научат да садат дрвца или семиња кога се на училиште, а исто така и како да се грижат за нив.

Ова е единствениот начин на кој луѓето ќе сфатат дека почитувањето на природата е клучно за нашиот сопствен опстанок.

Тој за националната телевизија во Индија изјавува:

„Климатските промени се забрзаа и не сме ни сигурни дали ќе преживееме. Нашите грешки ги доведоа во опасност помладите генерации.

Не ја работам оваа работа за себе, ја правам за да ја направам земјата подобро место и да ги научам луѓето на потребата да го прават тоа.“

Откако приказната на Јадав стана вирална, тој патува низ Индија и светот, за да одржува разговори и да присуствува на конференции за климатските промени и еколошките прашања.

Но, каде и да оди, неговото срце чука за неговиот дом.

„Каде и да одам, копнеам да се вратам во мојата шума. Во странство сè е убаво, но нема место како мојата шума. Луѓето трошат пари за да видат тигри, носорози и слонови. Можам да ги видам во мојот дом, бесплатно.“

M. Г. | Црнобело / фото: pinterest.com