Како да ги отстраните малите гребаници на екранот на телефонот?

Пастата за заби може да ви помогне да ги скриете малите гребаници на екранот, но важно е да знаете дека ниту еден трик нема да ви биде од помош ако екранот ви е многу изгребан и оштетен.

Наједноставниот начин да го заштите екранот на смартфонот е да купите таканаречено заштитно стакло или фолија (од пластика).

Овие стакла не се скапи, речиси не се забележуваат ако се добро наместени и можат да ви заштедат многу пари.

Но, ако веќе сте го изгребале екранот, тогаш може да пробате некои трикови за да го вратите во колку-толку добра состојба.

Секако, овие трикови нема да функционираат ако екранот е многу изгребан, но можат да ви помогнат да прикриете мали гребаници кои се наоѓаат само на површината, односно не се длабоки.

Неколку трикови што можете да ги пробате:

Паста за заби

Пастата за заби може да помогне кај многу мали гребаници, кои немаат направено големо оштетување на екранот.

Важно е да користите најобична бела паста за заби, а не онаа во форма на гел.

Ставете малку паста на екранот и втријте ја со помош на микрофибер крпа и потоа со истата крпа добро исчистете го екранот.

Внимавајте да не извалкате други делови од телефонот со пастата, како звучникот или местото за полнење.

Сода бикарбона

И овој трик може да помогне само кај многу мали гребаници.

Измешајте малку сода бикарбона со малку вода за да добиете паста, па смесата втријте ја на екранот со микрофибер крпа и потоа добро пребришете.

Бебешка пудра

И овој пат треба да направите паста, како со сода бикарбоната, која може да помогне кај многу мали гребаници.

Нанесете многу мало количество на гребаницата и добро избришете со микрофибер крпа.

Не заборавајте дека ова не се волшебни решенија за изгребаниот екран и нема да ви помогнат доколу екранот е со многу гребаници и видно оштетен.

Секогаш е подобро однапред да го заштитите телефонот, односно да му ставите фолија или стакло уште откако ќе го купите.

Спирова С. | Црнобело