Со Google Maps под вода

Изгледа следниот поголем проект на Google Maps со Street View ќе бидат океанските и морските длабочини.

Google веќе ги објави првите области за истражување во панорамски поглед од 360 степени и мора да признаеме дека изгледаат прекрасно.

Google се здружи со The Catlin Seaview Survey и обезбеди специјална подводна камера од типот Seaview SVII – само две вакви постојат во светот.

Оваа камера за само 3 секунди прави панорамски поглед од 360 степени, заедно со податоци за географската локација.

Моментално Google покрива шест локации на Филипините, Хаваи и Австралија, така што пред тимот на Google Maps има многу долг пат.

Можете да го започнете вашето подводно патување тука.