Произведен прототип на летачки велосипед

Три компании од Чешка ги здружија своите креативни сили и создадоа прототип на првиот електричен, летачки велосипед, кој пред неколку дена го доживеа својот прв, успешен лет во Прага.

Летот траел 5 минути, а на возачкото седиште била поставена кукла, бидејќи за сега велосипедот не може да издржи поголема тежина.

Фантастичниот летачки велосипед личи на масивен „mountain bike“ и тежи 95 кг. Има по два пропелера кои ги придвижуваат акумулаторите од сите страни.

Како што објаснува Милан Дучек – технички директор на една од компаниите кои го дизајнираа овој велосипед, засега луѓето нема да можат да го користат, додека не се усоврши моќноста на акумулаторите за сигурно полетување и слетување, а,кога тој проблем ќе биде совладан, велосипедот би можел да се пушти и во продажба.

Дали доаѓа ера каде како славниот вонземјанин E.T. (Ити) ќе е поздравуваме во лет, брзајќи накај работа?