Алка која ќе ви каже колку сте пијани

Ако и вие сте од оние кои кога ќе се опуштат со друштвото забораваат колку испиле, па потоа им е тешко да ја најдат вратата за да излезат, а не уште и да стигнат дома, тогаш ова е вистинскиот изум.

Алката „Vive“ изгледа вообичаено и симпатично, а функционира на тој принцип што има сензори за дехидратација и преголемо количество алкохол, кои реагираат според пулсот на раката и потта на кожата.

Покрај тоа има и вграден Wi-Fi, Bluetooth и GPS кои се поврзуваат со вашиот мобилен и ви кажуваат точен процент на алкохол во крвта и колку сте пијани. Откако ќе видите колку сте ја надминале границата, вие одлучувате уште колку ќе продолжите да ја надминувате.

Она што е дополнително интересно е тоа што вакви алки може да имаат и вашите пријатели, за секогаш кога ќе почувствуваат мачнини или ако им е потребна вашата помош да може да ви испратат сигнал.

Идеално решение за сите кои се вечни фанови на забавата и долгите пијанки.

Би сакале една ваква алка?