Сонот за невидливост наскоро реалност?

Една група научници на Беркли Факултетот во Калифорнија, изјавуваат дека имаат измислено технологија која ја одбива светлината и на тој начин создава невидливост.

Иако, сега за сега, експериментот се прави на површина мерена во наноскала, што значи билионити дел од метар, сепак научниците уверуваат дека принципот е ист и дека наскоро може да се создаде таканаречена "невидлива покривка", која би ја одбивала светлината тродимензијално, а со тоа ќе прави човекот кој се наоѓа под покривката да не се гледа, т.е. да биде невидлив.

Ова огромно откритие најмногу би се користело за воени потреби, посебно за шпионскиот оддел на војската, па затоа и не е чудо што целиот овој експеримент бил спонзориран од армијата на САД.