Picasa ќе препознава лица

Гугл издаде нова верзија на својот програм за каталогизација на фотографии - Picasa која како најважна новост ја донесува технологијата за автоматско...

 

...препознавање на лицата.

Picasa 3.5 на сличен начин како и нејзината интернет верзија Picasa Web Albums, ги скенира вашите фотографии во потрага по лицата, а потоа ги групира фотографиите на кои се наоѓаат одредени луѓе.

Корисникот само треба да напише кои се тие луѓе. Целиот процес трае малку подолго, а доколку корисникот има некои слики поставени на интернет, сервисот може да се синхронизира и со тие фотографии.

Кога целиот процес ќе заврши, корисникот има можност за едноставно организирање на фотографиите во однос на луѓето кои се наоѓаат во нив.

Освен препознавањето на лицата, новата Picasa донесува и можност за поврзување со Google Maps, што значи овозможува вашите слики да добијат географска ознака, што би претставувало нивно поврзување со местото каде што се направени.

Овој софтвер можете бесплатно да го превземете од страницата на Google, а корисниците на постарите верзии имаат можност автоматски да ја надоградат својата верзија со новата.