Како да откриете дали нечиј Фејсбук профил е лажен?

Не е ништо ново дека Фејсбук е најпопуларната социјална мрежа, ниту пак дека 20-30% од профилите се лажни со цел да спамираат и шират вируси.

За да проверите дали новиот пријател е вистински или лажен, внимавајте на овие 5 работи:

1. Проверете ги фотографиите

Прво што можете да направите е да ги проверите фотографиите. Ова е најбрзиот и најпрецизен начин за проверка. Преземете ја профилната фотографија од корисникот кој мислите дека е лажен, отворете ја почетната страница на  Google и кликнете Images, во горниот десен агол.

Кога ќе се отвори новата страница, кликнете на икончето со фотоапарат во десниот дел на пребарувачот. Ќе добиете можност за да ја ископирате url адресата на фотографијата или да ја вметнете фотографијата зачувана во вашиот компјутер.

Штом ја додадете фотографијата ќе го добиете нејзиниот вистински извор и ќе видите дали е на корисникот или е преземена од некоја друга страница.

2. Број на фотографии

Повеќето лажни пријатели имаат само 1 фотографија, односно 2/3 од лажните профили ја имаат оваа карактеристика.

3. Активности на тајмлајн

Лажните профили обично немаат никаква содржина или имаат само основни информации за профилната слика, пол и дата на раѓање.

4. Повеќето лажни профили се женски

Многубројни истражувања покажале дека повеќе од половина лажни профили се женски. Најчесто со провокативни фотографии и имиња.

5. Проверете ги пријателите

Во случај да немате ниту еден заеднички пријател со новиот профил, веројатно се работи за лажен. Проверете кои заеднички пријатели, групи или фан страни ги имате за да дојдете до некоја информација плус.