Како ќе изгледаат градовите за 30-ина години?

Ијан Пирсон, футуролог кој досега предвидел развивање на технологијата со точност од 85%, објаснува како ќе изгледаат градовите во 2045-та година.

Со напредокот на роботиката и вештачката интелигенција, се очекува градовите да изгледаат далеку поразлично од денес.

Неколку интересни работи:

1. Зградите ќе бидат контролирани од вештачка интелигенција која моментално наликува на Сири

Тој вели дека луѓето ќе можат да ѝ зборат на зградата, на пример, да побараат промена на температурата во просторот.

2. Огромните облакодери ќе функционираат како мини градови

Во нив ќе има буквално сè, од продавници до теретани за вежбање.

3. Прозорите ќе бидат заменети со дисплеи

На нив ќе можете да менувате како сакате да ви изгледа „видикот“.

4. Луѓето ќе можат како спреј да си направат слој кој собира соларна енергија

Ова ќе се случи благодарение на развојот на нанотехнологијата.

5. Топлината и светлината ќе бидат „покрај вас“

Ќе бидат насочени директно кон вас и ќе се менуваат зависно како се движите низ просторот.

6. Работниците ќе носат егзоскелети за да дигаат тешка опрема

Ова веќе може да се види, бидејќи Panasonic развива специјален робот кој функционира како егзоскелет.

7. Опасната градежна работа ќе ја прават роботи

Ако се процени било каква опасност, работниците веднаш ќе бидат заменети со роботи за да бидат заштитени.

8. 3D печатење и роботи ќе овозможат брза изградба на цели простори

Ова е овозможено благодарение на развојот на нови форми на цемент и материјали кои се потребни за иградба.

Н. Г. | Црнобело