Кои емотикони треба да ги користите, за да го привлечете спротивниот пол?

Мажите не сакаат никогаш да видат веренички прстен, ниту плачливи лица во пораките. Жените, пак, при допишувањето не можат го смислат модриот патлиџан, кој што асоцира на машкиот полов орган, како ни набилданиот бицепс.

Може ли користењето на емотикони да ја подобри нашата игра на заведување?

Секако дека може, тврди тимот на мобилната апликација за забавување Clover, кои спровеле истражување помеѓу своите корисници, откривајќи што сакаат, а што мразат да примат мажите и жените во своето сандаче, но и начинот на кој комуницираат едни со други.

Со истражувањето биле опфатени 90 милиони пораки од 3 милиони корисници, анализирајќи ги емотиконите по кои мажите, односно жените, најмногу и најмалку им одговараат на своите додворувачи при допишувањето.

Како и обично, воочена била евидентна разлика во вкусовите, па од тимот на апликацијата дадоа и конкретни упатства за што подобра комуникација со припадниците на двата пола.

Како да ги освоите мажите?

При допишување со припадниците на посилниот пол, слободно испратете им бакнеж, смајли кое иронично се потсмевнува и она кое плаче од смеење, покажувајќи дека сте заинтересирани и дека ви годи дружењето со нив, откриваат резултатите од истражувањето на Clover.  Емотиконите на кои најчесто одговараат мажите се:

За разлика од нив, момците никогаш не сакаат да видат веренички прстен (ништо чудно, зар не?), а ни расплакано човече во пораките. Доколку им испратите некој од овие емотикони, најмала е веројатноста да добиете повратен одговор:

Што се однесува до праќањето емотикони, пак, мажите најмногу се одлучуваат за следните симболи:

Како да ги освоите жените?

Доколку сакате да ја заведете жената по пат на пораки, не плашете се да вметнете човече кое го плази јазикот, мајмунчиња кои ги покриваат очите и усните, или, пак, ѓаволчиња, прикажувајќи го својот игрив темперамент и добра смисла за хумор. Според статистиката на Clover, девојките најдобро реагираат на овие емотикони:

Шегата е едно, а дрскоста нешто сосема друго. Припадничките на понежниот пол ги мразат модриот патлиџан и бицепсот, доживувајќи ги како безобразна фалба на мажите. Ако сакате да добиете одговор, тогаш заборавете на овие емотикони:

Во онлајн комуникацијата, жените најмногу сакаат да ги праќаат следните емотикони:

Всушност, играта со емотикони, го потврдува она што со години го знаеме. Mажите не сакаат плачливи девојки кои сакаат што побргу да се омажат, а жените ги презираат фалбаџиите и егоистичните момци.

М. А. | Црнобело