Топ 10 моментално најдобри смартфони на пазарот

Овој месец излегоа неколку нови модели на смартфони во светот, што значи дека има измени на листата на најдобрите смартфони кои моментално се нудат на пазарот.

Business Insider ја направи листата на која Google Pixel веќе не е на првото место.

Следуваат 10-те најдобри смартфони во моментов во светот:

10. LG G6

Станува збор за најдобриот телефон од понудата на LG досега. Моделот G6 е водоотпорен, има квалитетна камера и малку поголем екран од претходните модели.

9. OnePlus 5

Едноставен дизајн, одлични перформанси и солидна цена – тоа се главните предности на овој смартфон.

8. Samsung Galaxy S8

Samsung Galaxy S8 се смета за телефонот со најдобар дизајн во естетска смисла. Освен дизајнот, овој модел има поголем екран, поквалитетна камера од претходните модели, водоотпорен е и батеријата побрзо му се полни.

7. iPhone 7

Минатогодишниот iPhone нуди повеќе апликации, лесно се ракува, водоотпорен е и има моќен процесор.

6. Galaxy S8+

Galaxy S8+ има идентични карактеристики како Galaxy 8, само што е поголем и има 6.2-инчен екран.

5. iPhone 7+

Една од главните разлики помеѓу iPhone 7 и iPhone 7+ е тоа што моделот 7+ има подобри опции на камерата, односно фотографиите можат да се прават со „bokeh“ ефект во кој позадината изгледа заматено.

4. Galaxy Note 8

Galaxy Note 8 ги комбинира најдобрите карактеристики од Samsung Galaxy S и Note смартфонот. Елегантниот дизајн и одличните нови опции се дел од причините зошто овој телефон се најде на листата на 10-те најдобри во светот.

3. Google Pixel и Pixel XL

Иако се наоѓаат на трето место, Google Pixel и Pixel XL се смартфони кои високо котираат на листите на најдобри Android телефони. Имаат одлични перформанси и фантастични камери.

2. iPhone 8

Откако излезе iPhone 8, за брзо време стана еден од најбараните модели на смартфони во светот. Овој уред има елегантно куќиште од метал и стакло, водоотпорен е и има опција за безжично полнење на батеријата.

1. iPhone 8 Plus

Овој мобилен уред ги содржи најдобрите карактеристики на iPhone 8, но има поквалитетна камера, поголем екран и уште некои трикови кои ги нема ниеден друг смартфон, па заслужено се најде на првото место на оваа листа.

М. В. | Црнобело