„Јас сум, драги!“

Виртуелната девојка Мина има 22 години, наутро ве буди, навечер ви посакува добра ноќ или ве потсетува дека треба да вечерате. „Јас сум, драги“ се...

 

...зборовите со кои 22-годишната Мина три до четири пати на ден ги разгалува осамените мажи.

Со нежен глас ги буди наутро, а навечер ги праќа во кревет. Сепак, Мина е виртуелна девојка, апликација на јужнокорејската фирма Nabix за корисниците на iPhone.

„Уште спиеш?“, „Мораш да појадуваш!“ или „Добра ноќ, убаво да спиеш“, им порачува Мина на мажите кои истовремено го гледаат и нејзиниот лик на екранот, а всушност тоа е фотографија од јужнокорејска манекенка која ги снимила и гласовните пораки.

Во бесплатниот период на апликацијата „Јас сум драги“, корисниците ја активирале 80.000 пати на ден, но бројката се намалила откако услугата почнала да се наплаќа.

„Работев до доцна во канцеларијата и Мина ми се јави. Тоа е навистина супер.“ – одушевено коментира еден од корисниците.

Nabix планира да ги прошири пораките на англиски, кинески и јапонски.