Huawei P30 Pro е „Смартфон на годината” според EISA
Спонзорирано од:
Спонзорирано од ОгласиЗаРабота.мк
Фризеркa 28-05-2020


Huawei P30 Pro е „Смартфон на годината” според EISA

Компанијата ја освои престижната награда втора година по ред

huawei-p30-pro-e-smartfon-na-godinata-spored-eisa-001.jpg

Huawei P30 Pro доби уште едно меѓународно признание - Наградата за најдобар паметен телефон на годинашните награди EISA. Huawei ја освои наградата во оваа категорија втора година по ред, со својот производ кој уште еднаш успеа да остави прекрасен впечаток на судиската комисија составена од 55 претставници од најпознатите технолошки медиуми во светот.

EISA ги нарече можностите на снимање при слабо осветлување на P30 Pro „најдоброто нешто што го нуди смартфонот во моментов“. Комисијата, исто така, ги оцени леќите со ултра широк агол, режимот на портрет и перископската 5x телефото леќа, за која се вели дека „ ги надминува сите нивни конкуренти“.

"За нас претставува голема чест да добиеме уште една EISA награда, како и ново големо признание за P30 Pro. Со секој од своите уреди, Huawei се обидува да постави повисоки стандарди во мобилната фотографија и да им понуди на потрошувачите најнова технологија во оваа област, на тој начин продолжувајќи да ги зголемува можностите на камерите на паметните телефони“, рече Ли Чангжу, потпретседател на одделот „Handset Business” во Huawei Consumer Business Group. EISA исто така го препорача Huawei P30 Pro на секој чија страст е фотографирањето, бидејќи здружението смета дека предводникот на Huawei постави нови правила во развојот на мобилната фотографија.

Huawei P30 Pro навистина ја носи мобилната фотографија на целосно ново ниво со својот иновативен SuperSPectrum сензор, оптички леќи SuperZoom, новата камера на Huawei за време на лет (ToF) и напредниот оптички стабилизатор на слика за AI.

Досега невидениот состав на камери на Leica вклучува 40MP главна камера, ултра широк агол од 20MP, телефото камера од 8MP, иновативна ToF камера и предна камера од 32 MP. Новата перискоска телефото леќа овозможува поголемо зголемување на сликата без да влијае на квалитетот. Покрај тоа, главната 40MP камера нуди одлични бои, а P30 Pro нуди и стабилизатори за OIS и AIS, додека леќите SuperZoom имаат 5х оптички, 10x хибриден и 50x дигитален зум со висока резолуција и јасен приказ на детали.

Елегантното, двојно заоблено 3D стакло и 6,47-инчен OLED Dewdrop дисплеј се отпорни на вода и прашина, а Kirin 980 процесорот е првиот во свет 7nm систем за мобилни чипови. Huawei P30 Pro исто така има батерија од 4200 mAh, способна да трае до 2 дена без полнење под нормална употреба.

Членови на EISA се претставници на реномирани медиуми од целата индустрија од повеќе од 30 земји, од кои секој придонесува со своја експертиза во шесте категории за оценување на EISA - фотографија, мобилни уреди, Hi-Fi, домашно аудио, домашна видео-техника и автомобилски уреди. Секоја година, членовите на EISA номинираат сет на уреди за кои сметаат дека се достојни да се борат за наградата во секоја од шесте категории. Номинациите потоа се презентираат и дискутираат на посебен состанок, каде членовите на комитетот темелно го испитуваат секој од номинираните уреди пред да продолжат на конечното гласање.

Наградата официјално ќе биде врачена на Huawei на церемонијата на доделувањето на наградите EISA, што ќе се одржи на годинашната изложба на IFA на 6 септември во Берлин.

Би можело да ве интересира:

Huawei P40 Pro се најде на врвот на листите на DXOMARK со импресивен ранг за камерата Неодамна беше претставена P40 серијата на Huawei, која доаѓа со врвен дизајн и и...
Рен Женгфеи - основач на Huawei: Малкумина знаат дека татко на 5G e турскиот професор Ердал Арикан 5G се базира на математички алгоритам на кој наидовмедва месеци по неговото обја...
Креирајте ги најдобрите улични портрети со Huawei P10 lite за време на летниот одмор Скопје, 27 Jуни 2017 г. – Летниот одмор наближува и сите со нетрпение го очекува...

Спонзорирани линкови: