Како да го избришете профилот на Фејсбук?

Бришењето на профилот не ниту едноставно ниту брзо. Фејсбук ви нуди само опција „деактивација“, што не може трајно да ве избрише како нивен член.

Ако сте ја избрале опцијата „деактивација“ сè уште сте член и вашиот деактивиран профил и понатаму можат да го видат останатите членови. Сите податоци остануваат на Фејсбуковиот сервер.

Ако навистина сте одлучиле трајно да го избришете својот Фејсбук профил подгответе се на „бирократија“ која што може да трае и до 14 дена.

Процесот не е едноставен. Морате да испратите барање на na http://on.fb.me/n5OemK или во „хелп“ центарот да ја побарате опцијата „избриши го профилот“. Потоа мора да почекате некое (подолго) време Фејсбук тоа да ви го одобри, а во Фејсбук се надеваат дека додека чекате ќе се предомислите.

Но, постои и „цака“. Ако откако сте пратиле барање за бришење на профилот повторно се логирате на профилот, тоа барање автоматски се поништува како никогаш да не сте го испратиле, а вие и понатаму си останувате член.

Затоа, ако цврсто сте решиле да го избришете профилот, испратете барање, немојте да се логирате, да лајкувате ниту да кликате икони на Фејсбук. И најважно – „наоружајте“ се со трпение.

Треба да знаете и дека ако еднаш трајно сте го избришале профилот, не постои можност да го вратите.