Овните се брутално искрени, Близнаците родени за актери: Кои знаци (не) глумат во секојдневието?

Некои знаци не умеат да го задржат мислењето исклучиво за себе. Затоа и секогаш се јасни и директни во комуникацијата со луѓето. Од друга страна, постојат и такви кои се како намачкани со сите бои. Толку добро им оди глумата, што дури и професионални актери би им позавиделе. Се разбира – сите имаат посебни мотиви.

Од текстот во продолжение, дознајте кои се хороскопските знаци што (не) глумат во секојдневието:

Овен

Овните се толку отворени и директни, што може да се прогласат и за најискрениот хороскопски  знак. Некои дури би рекле и дека се предиректни, бидејќи воопшто немаат кочници. За нив важи изреката: „Што на ум – тоа на друм.“. И кога вистината е најболна, тие сеедно ќе ја кажат, носејќи се потоа со сите последици. Обидите да бидат дипломатични во работното окружување, пак, неретко им се неуспешни, затоа што ќе пукнат ако не го изговорат она што го мислат. А, ова знае да им донесе прилично големи и долгорочни проблеми.

Бик

Биковите се приземни, свесни за себе и без потреба да глумат. Умеат да бидат галантни и шарманти, ама само затоа што такви се одвнатре. Ниту би можеле, а ни би сакале нереално да се претставуваат. Со нив секогаш сте на чисто, па луѓето со кои другаруваат точно знаат на што се. Тврдоглавоста, која важи за една од најизразените особини на овој знак, воедно е и причината зошто неговите претставници не се добри глумци. Кога тие ќе се закачат за нешто, нема да го пуштат ни под разно. А, со толкава насоченост кон нештата, тешко дека ќе го прилагодат своето однесување.

Близнаци

Близнаците се познати по дволичноста. Заедно со неа оди и способноста за лажење, мамење и преправање. Тие го имаат ова во себе, па не во прашање нивна желба да глумат, како што многумина сметаат. Окарактеризирани се како личности кои цело време нешто матат, првенствено заради неодлучноста и постојаното менување на мислењата. А, лажното претставување, во кое се извонредно добри, претставува главната причина зошто се толку популарни на забавите. Умешни се да најдат заеднички јазик во комуникацијата со сите луѓе.

Рак

Раковите се мошне директни и отворени. А, кога се работи за чувствата – немаат страв да ги покажат. Понекогаш би сакале да можат своите емоции да ги сокријат од целиот свет. Ама, тие не се такви личности. На сите околу нив им е јасно како се чувствуваат и низ што поминуваат во секое време.

Лав

Поради цврстината и ведрината, повремено се чини како да глумат, а под површината се крие нешто сосема друго. Меѓутоа, не е така. Лавовите не кријат ниту една нивна страна, па дури ни најлошата. Напротив. Горди се во целост на сопствениот карактер. Свесни се за своите доблести и мани – и тоа ги прави почовечни.

Девица

Девиците се точно такви како што сите во окружувањето ги гледаат и перципираат. Тие ниту имаат време, а ни сакаат да создадат лажен впечаток за себеси. Неретко може да кажат или направат нешто погрешно. Меѓутоа, не се доволно надарени за глума, па истото да го свртат во своја корист. Ако им побарате искрено мислење – тогаш и ќе го добиете – објаснето и аргументирано. Не затоа што се лоши личности, туку бидејќи сметаат дека секој човек заслужува да ги знае нивните причини.

Уште 6 знаци на следната страна...