Ретро тастатура за вечните носталгичари
Некои од вас сигурно низ домот сѐ уште ги чуваат оние вредни предмети од минатото кои ви ги будат повеќето спомени.
Меѓу нив спаѓаат старата машина за чукање, грамофонските плочи, часовници на навивање и уште многу ситници кои денес не ги употребуваме.
Сведоци сме на различните модни парчиња кои во минатото беа популарни, а денес повторно чекорат по модните писти. Но, тоа не се случува само кај модната индустрија, туку и кај модерната технологија.
Ако повторно посакувате да работите на машина за чукање, сега можете да набавите иста таква тастатура која ќе ви ги освежи спомените.
Оваа ретро тастатура доволно е да ја приклучите за вашиот таблет или компјутер преку УСБ приклучок и таа ги има истите опции како и обичната, модерна тастатура.
Оваа модерна тастатура, го носи името „Qwerkywriter” и одлична е за сите оние кои сакаат да го почувствуваат пишувањето од минатото или да ја освежат својата меморија.
Погледнете го краткото инспиративно видео околу создавањето на оваа ретро тастатура:
Би можело да ве интересира:
Препорачуваме
Најчитани неделава
