Стари книги со нова цел - трансформирани во чаши, бокали и чизми

Само вистинските љубители на читањето знаат што значат книгите и колкава вредност имаат тие и колку е тешко да се разделите од нив.

Шведската артистка Сесилија Леви пронашла нов начин со кој можете да им го продолжите животот на старите книги и стрипови. Наместо да ги фрла, таа се одлучила да ги трансформира во прекрасни хартиени уметнички дела.

Работејќи претходно како книговезец, токму нејзината поранешна работа ја инспирирала да ѝ пристапи на литературата на еден сосема поинаков, оригинален и креативен начин.

Можеби звучи непријатно за сите љубители на книгите и нивната вредност, но ретко кој може да остане рамнодушен на рачно изработените уметнички творби на Сесилија и секој ќе се согласи дека нејзините дела се всушност еден мил и убав тестамент за литературата.

Таа најпрвин започнала да експериментира со 3Д хартиени предмети во 2009-та година. Оттогаш има создадено голем број на најразлични чаши и чинии за кои секогаш бара стари, неупотребливи книги кои ќе продолжат да ги раскажуваат своите приказни во нови и уникатни форми.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. С. | Црнобело