Како ќе изгледаат авионите во иднина?

Среќна информација за сите нас - дизајнерите на авионите се концентрираат на креирање на уште поудобни услови за патување за сите патници. Ова посебно важи за оние летови кои ќе траат подолго.

Во авионите ќе имаме можност да уживаме во:

Личен систем за забава

Повеќето авионски компании започнаа да најавуваат дека во авионите патниците ќе имаат можност сами да уживаат во филм или музика, па дури и сопствените направи да можат да ги поврзат во LAN мрежа внатре во авионот.

Самопослуга

Холандската компанија AirFi во своите авиони инсталира специјален безжичен систем преку кој имате можност да читате списанија, да одбирате филмови за гледање, да нарачате храна...

Виртуелна реалност наместо интернет

Повеќето патници ги користат Netflix или Amazon за да се забавуваат додека трае летот. Но, компании како Transavia и Qantas моментално тестираат системи за виртуелна реалност за да им овозможат алтернативна забава на патниците.

Удобни седишта и виртуелна реалност

Секако уживањето во модерната технологија која ја користат авионите би било многу поголемо, ако имаме и удобни седишта за патување. Комбинацијата од удобни седишта и виртуелна реалност, се очекува наскоро да се имплементира во многу авиони, а прва компанија која ќе го направи ова е Qantas.

Седишта како во кино

Италијанската компанија Aviointeriors дизајнира специјални седишта кои се собираат кога никој не седи на нив, исто како во киносалите.

Индивидуални кабини за спиење

Компанијата Factory Design има креирано прототип на засебни кабини за секој патник кои се така споени една до друга за да има повеќе простор во авионот. Овој дизајн сè уште не може да се употреби во класичниот изглед на авионските кабини, но се очекува во иднина да се појави во сите авиони.

Н. Г. | Црнобело