Ѕвездено небо околу вратот (фото)

Модниот бренд „Shenova“ од Калифорнија во соработка со експертот за технологија Кејти Линендол создаде неверојатен шал, кој ни ја носи вселената на дланка. Шалот со име „Illumiscarf LED Constellation Scarf“ содржи конец од светилки кои ги имитираат ѕвездите на небото.

Изработен во два слоја од супер мека волна со должина од околу 60 cm, шалот во внатрешноста содржи патент во кој се сокриени малите LED светилки. Тие одлично се комбинираат со дезенираниот принт инспириран од галактички мапи.

Постои опција истите да се извадат доколку не сакате да светите, но кој не би сакал мало ѕвездено небо околу својот врат?

Поттикната од успехот на ѕвездениот шал кој ќе започне да се продава од јануари 2017-та година, компанијата креира и слични фустани, хеланки и други модни додатоци.

(О)Милена | Црнобело