Зошто нашите стари трафики не ги претвориме во библиотеки како оваа телефонска говорница?

Замислете на пат од работа кон дома да можете да си позајмите книга бесплатно и без членска книшка од библиотека.

Во светот постојано има нови креативни идеи, а една од нив е старите телефонски говорници во Лондон, кои ја изгубија својата намена, да се претворат во мини библиотеки.

Веќе постојат неколку такви, од кои една е направена во 2013 година и функционира оттогаш. Секој минувач оттука може да си земе книга, а во замена да остави некоја своја.

На овој начин содржината во библиотеката постојано се менува. Се разбира, луѓето треба да бидат чесни и да не ги крадат и уништуваат книгите.

Замислете старите метални трафики кај нас да се пренаменат во нешто вакво. Би било прекрасно, зарем не?

С. С. | Црнобело