Спонзорирано од:
Спонзорирано од ОгласиЗаРабота.мк


Велигденски јајца со Дизни мотиви - дело на креативна скопјанка (фото)

Од Јасмин на Аладин до Снежана и седумте џуџиња, дечињата не можат да одолеат на велигденските јајца што ги црта Елица Блажевска.

veligdenski-jajca-so-dizni-motivi-delo-na-kreativna-skopjanka-foto-01.jpg

Елица Блажевска, 31 година од Скопје, по професија e дипломиран преведувач и толкувач од албански на македонски јазик, и обратно, и голем вљубеник во уметноста.

Со својот талент таа дополнително го разубавува празникот Велигден.

„Уште од детство цртањето ми е хоби и љубов и ми го исполнува слободното време. Како верник кој ги празнува и ужива во христијанските празници пред неколку години ми се роди оваа идеја мојата креативност да ја изразам преку цртање на велигденски јајца.

veligdenski-jajca-so-dizni-motivi-delo-na-kreativna-skopjanka-foto-02.jpg

Почнав пред 8 години кога го нацртав првото јајце за мојот внук и оттогаш не поминува Велигден без цртани велигденски јајца. Најчесто мотивот го пронаоѓам во ликовите од светот на Дизни и стрип јунаци со кои израснав.

Пред 6 години освоив награда на конкурс за најубаво велигденско јајце. Пред секој Велигден веќе размислувам кој лик ќе го цртам, сакам да не се повторувам па така секоја година цртам различни ликови. Откако ќе го направам изборот почнува и обработката, цртање со молив на јајцето и боење со акрилни бои.

veligdenski-jajca-so-dizni-motivi-delo-na-kreativna-skopjanka-foto-03.jpg

Обично цртам на природни вапцани јајца, а од годинава почнав да цртам и на дрвени наменети за најмалите дечиња. Најчесто ги подарувам на најблиски и пријатели, најголемо задоволство и она што ме радува е насмевката на нивните лица откако ќе ги добијат“, вели Елица Блажевска за CRNOBELO.com.

Нејзините уникатни велигденски јајца:

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело

Би можело да ве интересира:

Готски замок во Трансилванија е како сцена од мрачна бајка (фото) Овој замок во Трансилванија е една од најголемите и најимпресивни градби во Евро...
Нова техника со кромид за велигденски јајца како уметничко дело (видео) Не станува збор за добропознатата техника со лушпи од кромид, туку модифицирана ...
Нова техника за уникатни велигденски јајца – со чај од хибискус и алуминиумска фолија (видео) Со оваа техника велигденските јајца ќе ви изгледаат елегантно и уникатно, а се п...
Автобус, авион: Луѓе си направиле прекрасни домови од превозни средства (фото) Ако сте вљубеници во авантура и необично искуство, тогаш дефинитивно ќе ви се до...
Совршени велигденски јајца - лесна техника со прехранбена боја (видео) Иако е потребен околу еден час за да добиете совршени велигденски јајца со прехр...
Велигденски јајца во златна боја со кои ќе ги импресионирате децата, но и возрасните Ако сакате да направите златни велигденски јајца со кои ќе ги воодушевите сите, ...

Најчитани неделава

sonovnik-sidebar.jpg