Уникатен островски парк во реката Хадсон во Њујорк – изградбата траела осум години (фото)

Неодамна во Њујорк беше отворен можеби најуникатниот парк што ќе го најдете во градот. Станува збор за мало островче со неколку нивоа кои наликуваат на ритчиња, кое изобилува со зеленило и е одлично за бегство од „градската џунгла“.

Паркот е дизајниран од Heatherwick Studio и Mathews Nielsen Landscape Architect, а според дизајнерите, им било особено тешко да допрат до дозвола за изградба. Конструкцијата на проектот, пак, траела цели осум години.

Островот е дизајниран на тој начин што може да ги поднесе и најсуровите временски услови во Њујорк, а наместо да ги кријат столбовите кои се главна потпора на островчето, дизајнерите решиле да ги претворат во еден од најинтересните детали.

„Ги споивме столбовите со разна висина и на нивните врвови ставивме зеленило, претворајќи го островот во богат пејзаж“, велат дизајнерите.

Островчето има многу зеленило и наводно на него се посадени околу 400 разни видови дрвја, трева, грмушки и други растенија. Во паркот има и бина која наликува на амфитеатар, со одличен поглед кон реката Хадсон.

Спирова С. | Црнобело