Идеи за креативни новогодишни подароци за деца, од македонски мали бизниси (фото)
Новогодишниот период е најубав за малечките, па зошто да не ги израдуваме со креативни подароци направени од македонски локални бизниси и да направиме добро дело?
Имагинацијата на македонските креативци не познава граници, а за тоа се доказ неколку локални бизниси кои изработуваат креативни производи за деца.
Па годинава, наместо вообичаените пакетчиња и играчки, поддржете ги локалните бизниси, а воедно израдувајте ги вашите најмили со уникатни подароци.
Од новогодишен календар и производи за забава и развој на моторика на детето до новогодишна персонализирани книга, дрвена куќичка или облека – во сите производи се гледа дека е вложено многу љубов и труд.
Во продолжение неколку идеи од Инстаграм профилите на македонските креативци:
Дрвена куќа со декоративни дрвени лампиони во различни бои - kids_hut_mk
Секој лампион има бројка и дечињата треба соодветно да ги наредат на куќата. Со оваа активност покрај тоа што ќе ја развиваат моториката, ќе се забавуваат со изучување и на бројките.
Рачно изработен новогодишен календар - kidsandco.mk
Ѕиден календар со 31 џеб за секој ден од месец декември и одбројување на Новата година и доаѓањето на Дедо Мраз.
Новогодишни лампиони кои децата сами ги бојат - diykids.mk
Четири новогодишни лампиони со по пет декоративни украси кои откако ќе се обојат треба да се закачат на лампионот и украсат. Содржи и 3 темперни боички, четкичка за боење, пом-пом топчиња, 4 врвки за лампион.
Елка меморија - diykids.mk
Фигура на елка од цврсто дупло дрво со шест прозорчиња со дрвени рачиња, прелепена со хартија од боја на база на вода. Под секое прозорче се крие различна новогодишна фигура која детенцето треба да ја погоди каде е отккао ќе ги види еднаш сите и ќе ги затвори прозорчињата.
Монтесори елка - diykids.mk
Фигура на елка од цврсто дупло дрво, со кругчиња кои се вадат и ставаат како лампиони во разни бои. Содржи и 8 картички за шеми на редење на елката, кое детето треба да ги следи и да ја украси елката според нив.
Уште 5 идеи на следната страна...
Би можело да ве интересира:
Препорачуваме
Најчитани неделава
