„На враќање ќе купиме“, „Ќе ти порасне носот ако лажеш“ - Слатките лаги кои ни ги кажуваа родителите кога бевме деца

Јади спанаќ да бидеш силен како Попај.

Хероите и јунаците од омилените цртани секогаш се добра инспирација за добронамерна родителска лага.

Носот на Пинокио и спанаќот на Попај се најчесто употребуваните лаги за родителите ги натераат своите мали човечиња да ја кажат вистината и да го изедат зеленчукот.

И посебно за постарите генерации за кои морепловецот Попај беше синоним за сила и бестрашност, спанаќот брзо го снемуваше од чинијата, ама за жал, без посакуваните и очекуваните супермоќи.

 

Нема да те боли.

Тоа е лагата што ми остави најголема траума од деството и поради која почнав да се сомневам во зборовите на мајка ми.

Вакцини, инјекции, земање на крв од прстот, бетадин или алкохол на раскрвавено колено… Списокот е долг, а лагата е иста, само со различен степен на болка.

Уште малку и стигнавме.

Автомобил, долг пат, ненаспани, уморни и на сето тоа, кога ќе се додаде детската нетрпеливост и десетиците прашања во една минута, на родители има останува само да се снаоѓаат и секако, да излажат.

„Уште малку и стигнавме“ и често употребувана на патувања, кратки или долги, често надополнета, „Ако заспиеш малку, кога ќе се разбудиш, ќе го видиш морето“.

Ако ми ја кажеш вистината, нема да те казнам.

Тоа е таа бела родителска лага која служи за стимулирање или манипулирање за секогаш да се кажува вистината, и секогаш, функционира, дури и кај постари.

Можам и оттука да те видам што правиш.

Поради оваа реченица, долго време слепо верував дека мајка ми има супермоќи или „очи и на тилот“ и дека мајките едноставно знаат сè.

Децата знаат мошне вешто да го искористат секое мало невнимание од родителите за да направат нова беља, па тие, мајките и татковци, секако, мора да се служат со лаги за да го одржат мирот и редот во домот.

И секако ова се само мал дел од широката палета на бели родителски лаги, во кои секако, најтрадиционални се „Ако си умен, Дедо Мраз ќе ти донесе подарок“ и „Тебе штркот те донесе кај мама и тато“.

И колку и да се смешни и нелогични, овие мали лаги, се верен пријател во воспитувањето на децата.

Кои се лагите од Вашите родители во детските денови?

©CRNOBELO.com Забрането преземање и копирање. Крадењето на авторски текстови  и фотографии е казниво со закон.

И. Ј.| Црнобело / фото: depositphotos.com