Половина од сијаличките на елката не работеа, лампионите беа во разни бои - Како украсувавме во '90-тите?

Елките беа шарени, украсени со стаклени лампиони во сите бои. По елката стававме топчиња вата да изгледа како снег, а од бели листови хартија правевме снегулки и снешковци...

Крајот на месец декември секогаш кај нас буди убави чувства, многу насмевки и претпразнично расположение.

Некои уживаат во подарувањето подароци, некои во храната која се подготвува традиционално за празниците, а има и такви кои уживаат во украсувањето на просториите и китењето елка.

Порано новогодишни елки имале само богатите, а денес радоста при украсувањето на елката може да ја почувствуваат сите.

Украсите на елката беа рачно изработувани, во различни бои, големини и облици, па не залудно се вели „шарено како новогодишна елка“.

Старите Германци користеле ореви, колачи, јаболка и подоцна и пуканки за да ја украсат елката, а за осветлување користеле вистински свеќи.

Во '90-тите сите имавме исти украси кои ги стававме по елките и собите.

Хит беа стаклените лампиони во различни бои, секој беше различен и посебен, но ако паднеа на подот, се кршеа на 100 парчиња.

Имаше само еден вид сијалички, но со сигурност половина од сијаличките на жицата беа прегорени.

Собите ги украсувавме со разнобоен целофан, а прозорците со снегулки и снешковци од хартија.

На елката се ставаа топчиња памук за да изгледа како да навеало снег.

Низ целиот дом имаше надувани балони во сите бои.

А, ги паметите ли и овие бонбони со кои ги украсувавме елките, а потоа кришум и ги јадевме?

Ви недостасува ли празничната магија од минатото?

С. Ш. | Црнобело