Снеже Велков за CRNOBELO лексикон: „На мајка ми ѝ исеков фустан со ножици, уште ми го памти тоа“

13. Кој ти е идол (а да не е позната личност)?

Не верувам во идоли, верувам во инспиративни примери, а такви ги има во секојдневните примери на луѓе.

14. Кога би можела да си лик од цртаните, кој лик би сакала да бидеш?

Вили ква ква, да го пробам конечно колачот со полжави.

15. Кои ти беа најомилени игри во детството?

Си играв учителка и ТВ презентерка. Сакав да шијам и да правам креации за мојата Барбика.

16. Најголема беља што си ја направила во детството?

Еднаш на мајка ми со ножици ѝ исеков еден фустан во знак на револт затоа што сметав дека нешто може, а таа не сака да ми го исполни. Уште ми го памти.

17. Дали некогаш си се степала?

Еднаш. Оттогаш никој не смее да ме „закача“.

18. Што правиш во слободно време?

Готвам, читам, чистам, возам велосипед, слушам инспиративни приказни од мудри луѓе и обожавам да си ќутам.

19. Ако имаш времеплов, во кое доба би сакала да се вратиш?

Во времето на Александар Македонски, чисто да го прашам човекот „Момче, ти чиј си?“

20. Што немаш, а би сакала да имаш?

Немам, а сакам да имам 175cm висина.

21. Од што се плашиш?

Од кучиња.

22. Кој ти беше прв симпатија? Знаеш ли каде е денес и што прави во животот?

Во градинка имаше еден Бранко. Не знам каде е сега.

23. На која песна откачуваш во кафеана?

„Налеј, налеј“.

24. Најдобро потрошени пари во животот?

На велосипедот и на блендерот. Душа им извадив и на двата.

25. Кое е најубавото место на светот?

Дома.

Што би го прашала сопственикот на овој лексикон?

Снеже: Зошто на кесичката од супата од кокошка има петел?

CRNOBELO.com: Затоа што само петелот бил спремен за сликање (му требало помалку време да се дотера).

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело