Кире Лазаров - 5 години ист мирис, Иџе - Tom Ford: Кои се омилените парфеми на нашите спортисти?

Александар Љафтов, одбојкар

„Омилен парфем ми е Prada L’Homme L’Еаu, a го користам околу 7 години.

Првпат го пробав на аеродром во Истанбул, многу ми се допаѓаше и веднаш го купив, па ете, ме потсетува на патување и чекање по аеродроми - мојата животна приказна.

Историјата се повтори и минатата година, на враќање од Саудиска Арабија, со парфемот Versace Eau Fraiche.

Тоа се тие два парфема кои ги обожавам“.

Столе Димитриевски, голман

„Омилениот парфем ми е Acqua di Parma Zafferano“.

Бобан Илиоски, кик-боксер

„Megamare by Orto Parisi е мојот омилен парфем.

Го добив на подарок и оттогаш го користам постојано. А ми се допаѓа поради тоа што има остар мирис“.

Христијан Бузалковски, мотоциклист

„Мојот омилен парфем е Hugo Boss Dark Blue, а го користам повеќе од 2 години.

Ме потсетува на убави моменти (го добив на подарок кога ја освоив златната кацига) и затоа и ми е посебен!

А и според мене, аутфитот никогаш не е комплетен без парфем“.

Марко Митев, ракометар

„Многу сакам парфеми и имам повеќе во мојата колекција, но посебен за мене е JOOP!

Мислам дека бев второ одделение кога имав можност првпат да го имам. Беше на вујко ми, тој живее во Австралија, а тогаш престојуваше кај нас.

Нормално, со негова дозвола, јас можев да користам. Се сеќавам дека бев воодушевен од мирисот и мислам дека целата училница тогаш мирисаше на JOOP.

Кога замина ми го остави и тоа беше мојот прв парфем. Секогаш ме потсеќа на него.

За мене е посебен и секогаш го имам во мојата колекција парфеми.

А најчесто го користам Burberry Нero“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело