Моќта на зборовите

Две мали кенгурчиња си играле во шумата и паднале во многу длабока дупка. Се обиделе да скокнат за да излезат од неа, но не можеле да скокнат доволно високо.

Во меѓувреме, поголема група кенгури почнале да се собираат околу дупката. Барале начин, кога еден од насобраните им довикнал на двете кенгурчиња дека е невозможно да излезат. Едниот ги слушнал овие зборови и после извесно време се откажал и заспал, додека другиот продолжил да скока и да се обидува уште повеќе.

Најпосле, успеал да скокне надвор од дупката. Насобраните биле шокирани и го запрашале:

„Кога ти кажавме толку многу пати дека е невозможно да излезеш, која беше причината што пробуваше уште поупорно?“

Кенгурот бил шокиран бидејќи бил делумно наглув. Тој им одговорил:

„Гледајќи ве сите вас овде собрани како седите и навивате, ми даде сила да успеам во мојата мисија“.