10 спомени од детството кои полека заминуваат во историјата

Како што поминува времето, така стануваме се позависни од технологијата. Кога последен пат сте добиле разгледница по пошта? Кога сте почувствувале потреба да купите речник во печатена варијанта?

Ова се 10 работи кои се помалку ги користиме со развојот на технологијата:

1. Телефонски говорници (а, порано се чекаше ред пред нив).

2. Радио касети со омилените хитови (па со моливче да ја одмоташ и замоташ лентата кога касетофонот ќе ти ја „изџвака“.

3. Телефонски именик во тефтерче.

4. Енциклопедија во печатено издание (Сигурно само 1000 зошто 1000 затоа ви стои на полиците).

5. Речник во печатена верзија (освен во некое мини рачно издание).

6. Фото албум (кога последен пат сте извадиле слики и сте ги сместиле во албум?).

7. Личен дневник (пред спиење, со тетратката во рака и пишување дневник – ех, ја нема веќе оваа навика кај децата).

8. Лексикон (порано другарките ни се потпишуваа во лексикон, па и го даваш дента да го земе дома и да ти каже што и е омилено јадење, животно, симпатија. Сега се тагнуваат на Фејсбук).

9. ТВ програма – (на времето едвај се чекаше петок за со весникот да излезе програмата да видиш што кога ќе има на телевизија).

10. Разгледници (се знаело, одиш на одмор и праќаш разгледници во оние ретро сандачиња – каде и да си, па макар и од Охрид. Сега – постираш слики од одмор на Фејсбук и редиш албуми!).