Среќата е релативна, мала и добро сокриена

Ако сакате да бидете среќни, рецептот е едноставен: не ја споредувајте моменталната позиција со онаа која е подобра од вашата, туку со онаа која е полоша.

Пред да тргнете во потрага за среќата, проверете, бидејќи можеби сте веќе среќни.

Среќата е релативна, мала и добро сокриена, а тоа го потврдува и оваа приказна која вреди да се прочита:

Двајца затвореници, делеле иста ќелија. Имале исти услови, но еден од нив цело време бил несреќен, а другиот среќен.

„Зошто си толку тажен?” – Среќниот човек го прашал несреќниот.

„На што да се радувам? Секако дека ќе бидам несреќен. До пред некое време бев слободен и имав сѐ што ќе посакам, а сега како што гледаш, заробен сум овде, додека надвор животот си тече.” - одговорил несреќниот.

„Знаеш - додал среќниот човек - неодамна бев во друг затвор, каде условите се многу полоши, храната е никаква, а ќелиите се ужасни. Имав цимер кој цело време беше насилен и ме тепаше кога ќе посакаше, но овој затвор за мене е слобода во однос на оној претходниот. Многу од тамошните затвореници сонуваат да бидат овде, но јас имав среќа. Зошто тогаш да не бидам среќен?”

Не е точно дека секој човек си ја крои сопствената среќа, но точно е дека самиот си ја кова сопствената несреќа.