Приказна за 10 минути: Кој е навистина важен човек?

Жан излегол со својот дедо на прошетка низ Париз. На едно место слушнале како некој човек го навредува чевларот.

Тврдел дека нешто не е во ред со неговите чевли. Чевларот само мирно ги слушал критиките, се извинил и ветил дека ќе ја поправи грешката.

По 10 минути Жан и дедо му седнале во еден ресторан.

Келнерот го замолил човекот на соседната маса малку да го помести столчето за да може да помине. Наеднаш човекот бурно изреагирал, се развикал и одбил да се помести.

Тогаш дедото го поучил внукот: „Никогаш не го заборавај ова што го виде денес. Оној чевлар ги прифати критиките на човекот што се жалеше од чевлите. Овој човек до нас не сакаше ни да се помести.

Луѓето кои извршуваат некоја корисна задача не им пречи да прифатат критика за својата работа и да се подобрат.

Но, луѓето кои не работат ништо корисно секогаш мислат дека се многу важни и својата неспособност ја кријат зад авторитетот кој сакаат да го наметнат.

Најважното во комуникацијата е да го слушнеш она што не е кажано.“