Поучна приказна: Кои се 7-те светски чуда?

Во едно средно училиште, некаде во светот, учениците учеле за 7-те светски чуда. На крајот од часот, професорот ги испрашувал да ги набројат сите светски чуда на кои може да се сетат.

Иако имало мало несогласување, овие светски чуда добиле најмногу гласови:

1. Големите египетски пирамиди

2. Таџ Махал во Индија

3. Големиот кањон во Аризона

4. Панамскиот канал

5. Зградата Емпајр Стејт

6. Исус Христор во Бразил

7. Кинескиот ѕид

Додека ги пребројувал гласовите, професорот забележал една девојка која сè уште не го предала својот лист со одговори.

Заради тоа ја запрашал дали има некаков проблем.

Девојката срамежливо му одговорила:

- Да, малку... Не можам баш да се одлучам затоа што има многу светски чуда.

Професорот возвратил:

- Па, кажи ни што до сега напиша, може ќе можеме да ти помогнеме.

Девојката застанала двоумејќи се дали воопшто да го прочита својот список, но за кратко полека почнала.

- Јас мислам дека 7-те светски чуда се следниве:

1. Да знаеш да допреш

2. Да знаеш да вкусиш

3. Да видиш

4. Да слушнеш

5. Да почувствуваш

6. Да се насмевнеш

7. Да сакаш

Училницата станала толку тивка што можело да се чуе ако падне игла...