Поучна приказна: Каде исчезна среќата?


Поучна приказна: Каде исчезна среќата?

pouchna-prikazna-kade-ischezna-srekjata-01.jpg

На игралиштето се слушала смеа. Едно младо момче кое поминувало оттука го запрашало својот учител:

„Кажи ми, те молам, како тоа овие деца се среќни, а возрасните не успеваат во тоа?“

Учителот погледнал кон заиграните деца и потврдил дека тие навистина се среќни.

„Си играат, затоа се среќни. Но, што е со среќата на возрасните?“, прокоментирало момчето.

Учителот му одговорил.

„Исто како и со среќата на децата“.

Додека говорел од џебот извадил ситни пари и ги фрлил помеѓу децата. Наеднаш исчезнале насмевките од нивните лица и тие почнале да се грабаат по фрлените парички и да се караат. Наместо смеа, сега се слушало врескање.

„Па, што им ја уништи среќата?“, прашал учителот.

„Кавгата“, одговорило момчето.

„Но, што ги доведе до кавгата?“, прашал учителот.

„Алчноста“, одговорило момчето.

„Ете го доби одговорот на своето прашање - затоа возрасните не се среќни“, му кажал учителот на момчето и се оддалечил од игралиштето.

Извор

Би можело да ве интересира:

Поучна приказна од жената што ја изгубила косата Една жена се разбудила едно утро, се погледнала во огледалото и забележала дека ...
Поучна приказна: Немој никогаш никого да присилуваш на нешто Едно момче шетало на патот и пронашло желка. Возбудено ја земало во раце и со во...
Поучна приказна: Мислите ти се такви каков што си ти Еден селанец седел на тремот од својот дом и уживал во свежото ветре. Покрај нег...