Поучна приказна: Зошто не треба да судите пред да запознаете некого?

24-годишно момче патувало со својот татко во воз, кога викнало:

„Тато гледај, дрвјата се движат наназад!“

Таткото со љубов му се насмевнал на својот син, а еден пар кој седел во нивна близина го гледал момчето со тага и сожалување.

Одеднаш момчето повторно викнало:

„Тато, гледај, облаците летаат со нас!“

Парот веќе не можел да издржи и на таткото му рекле:

 „Господине, зошто не го испратите вашиот син кај некој добар доктор? Некој сигурно може да му помогне.“

Таткото се насмевнал и им одговорил:

„Ние токму сега се враќаме од болница. Мојот син беше слеп од раѓање, но со помош на операција му е вратен видот. Тој утрово може да гледа за првпат во животот“.

Секоја личност на планетава има единствена приказна и затоа не судете за другите пред да ги запознаете, затоа што вистината може да ве изненади.

Извор