Кога ќе те кренат за испрашување и ќе ѕвони – најубавите моменти од средношколските денови
Спонзорирано од:
Спонзорирано од ОгласиЗаРабота.мк
Account Manager 28-02-2020
Менаџер 28-02-2020


Кога ќе те кренат за испрашување и ќе ѕвони – најубавите моменти од средношколските денови

Велат дека средношколските денови се оние најбезгрижните. Оние кои се памeтат засекогаш. Оние кои се раскажуваат со години.

koga-ke-te-krenat-za-isprasuvanje-i-ke-zvoni-najubavite-momenti-od-srednoskolskite-denovi-01.jpg

Оние на кои на секоја средба од годишнина од матура со задоволство се потсетувате и ги прераскажувате.

Се обидовме да се сетиме на нашите најубави моменти од средношколските денови, поточно, оние моменти кои најмногу нѐ радуваа во тоа време.

1. „Висењето“ во ходниците меѓу секој час. И во хол после голем одмор.

2. Кога немаше пауза меѓу часовите и не смеевме да излегуваме во ходник, ама професорките се размуабетиле, па кога ќе видевме дека доаѓаат трчавме брзо да не нѐ видат и седнувавме мирни во клупи.

3. Моментот кога некој ќе се развикаше „Губимееее“ на цел глас во училница.

4. Она кога 3 пати во четири години успеавме да избегаме цел клас од час без да се вратат „бубалиците“.

5. Кога губевме блок часови и наместо после 7-ми час си одевме после 5-ти. Особено кога бевме втора смена.

6. Кога ќе ѕвонеше после 5-ти час во петок и со залет сите трчавме „како муви без глави“ да излеземе од училиште.

7. Кога ќе „поплачевме“ и успешно ќе ни презакажеа тест или писмена истиот час кога сме требале да го правиме.

8. Кога ќе те кренеше за испрашување професорката и само што ќе стигнеш до табла да одговараш - ќе ѕвони.

9. Кога одевме на екскурзија, особено оние тридневните.

10. Кога ќе те ставеа дежурен на врата и губиш часови цел ден. Плус ги викаш сите другари што не учат кај тебе да ти прават друштво.

11. Кога одевме на хор за да губиме час и плус имавме петка по музичко без испрашување.

12. Насмевките на нашите лица на 10-ти јуни - бесценети. Ех, колку радост носеше во животот овој датум!

©CRNOBELO.com Забрането преземање и копирање. Крадењето на авторски текстови е казниво со закон.

Автор: Е. П. | Црнобело

Би можело да ве интересира:

Деца од 15 години во сериозни врски - дефект на нашето секојдневие Пред некоја недела си муабевме со колешките за сите стандардни и вообичаени теми...
Што би не посоветувале постарите? 10 работи кои треба да ги правиме во 20-тите години Кои луѓе можете да ги наречете подобри учители од оние кои се полни со животно и...
Маж, жена и парче леб: Која е тајната на среќниот брак? Маж и жена живееле во среќен и исполнет брак цели 30 години, а кога ја прославув...

Најчитани неделава