„Само лекарот што успеал да спаси човечки живот во последен миг знае колку вреди една милисекунда“ - моќна приказна за времето

Ако сакаш да ја сфатиш вредноста на еден месец, прашај мајка која родила предвремено бебе, на една минута - прашај ја личноста која не стигнала на време да фати автобус, а на милисекунда - прашај го оној доктор кој спасил живот во последен момент. 

Секој ден ни носи вкупно 86.400 секунди – време кое лета!

Што ако секој ден на твојата сметка се префрлаат 86.400 евра, но, секое утро, банката го брише оној дел од парите, што не си ги потрошил претходниот ден?

Што би направиле доколку го знаете ова? Веројатно би потрошиле сѐ до последен цент, нели?

Секој од нас има таква сметка во банка. Нејзиното име е време.

А секој ден ти дава 86.400 секунди. Бесценето време кое лета.

Секоја вечер ти се отпишуваат сите оние нешта кои не си ги направил во текот на денот.

Не се пренесува ништо од претходниот ден. Нема заштеда. Ако не го искористиш својот депозит, загубата е само бројка. Изгубени моменти.

Не постои ништо, што се вика утре. Мора да ја живееш сегашноста со денешниот депозит.

Вложи го да искористиш максимум здравје, среќа и успех.

Часовникот никогаш не застанува. Затоа искористи ја секоја минута.

Ако сакаш да ја сфатиш вредноста на една година, прашај студент кој не фатил услов за упис.

Ако сакаш да ја сфатиш вредноста на еден месец, прашај мајка која родила предвремено бебе.

Ако сакаш да ја сфатиш вредноста на една седмица, прашај уредник кој е одговорен за весник, портал, телевизија.

Ако сакаш да ја сфатиш вредноста на еден час, прашај вљубен пар кој брои минути до следната средба.

Ако сакаш да ја сфатиш вредноста на една минута, прашај ја личноста која не стигнала навреме да фати автобус.

Ако сакаш да ја сфатиш вредноста на една секунда, прашај некого кој за „влакно" избегнал несреќа.

Ако сакаш да ја сфатиш вредноста на милисекунда, прашај го оној доктор кој спасил живот во последен момент. Буквално.

Часовникот одбројува, а ти не можеш ништо да направиш. Затоа биди покрај оние кои се вредни да бидат дел од твоето време.

М. У. Т. | Црнобело