Бил посреќен пред да се прослави со улогата на Габриел - Кој е Лукас Браво, згодниот готвач од Emily in Paris?

Emily in Paris имаше премиера на 4-та сезона, а под долгата коса, брадичката и големите очила, ретко кој го препозна францускиот актер Лукас Браво. Што знаеме за згодниот шеф Габриел (чиј имиџ е сосема различен во приватноста)?

Лукас Браво веќе неколку години е меѓу омилените француски актери.

Откако почна да го глуми згодниот готвач Габриел, во хит серијата на Нетфликс Emily in Paris, светот дозна за момчето кое со години пробуваше да се пробие во филмската индустрија.

Но, во едно интервју Лукас изјави дека бил посреќен и помалку анксиозен пред да стекне светска популарност.

„Не ме сфаќајте погрешно, целиот живот го сакав ова. Но, што потоа?

Некои прашања ме мачат, и тоа ми создава анксиозност. Мислам дека на 27 години бев посреќен отколку сега“, кажа тој.

Но, Лукас е повторно во центарот на вниманието на целиот свет, бидејќи на 15.08.2024 почна да се прикажува првиот дел од четвртата сезона на Emily in Paris (вториот дел ќе има премиера на 12 септември).

Заедно со ѕвездите на оваа романтична серија, тој присуствуваше на премиерата во Лос Анџелес и ги изненади сите со изгледот - долгата коса, очилата зад кои ги крие очите и стилот на облекување.

Лукас, пак, вели дека се појавил во вистинско светло, онаков каков што е приватно, кога не го глуми згодниот шеф Габриел.

Што знаеме за Лукас Браво?

Роден е на 26 март 1988 и има 36 години.

Татко му е познатиот француски фудбалер Даниел Браво кој во 1984 го освои Европското првенство, а мајка му е пејачка, Ева Браво.

Првата улога ја добил во серијата Sous le soleil de Saint Tropez во 2013.

Му требаа цели 7 години да стекне популарност, а за тоа е заслужна серијата Emily in Paris, која почна да се прикажува во 2020 година.

Во серијата Лукас глуми готвач, но не му било воопшто тешко да се подготви за улогата.

Пред да се пробие во актерскиот свет, тој работел како помошник готвач во ресторан.

Поради своето искуство, продуцентите го убедиле дека навистина треба да готви во шоуто, па правел омлети за Лили Колинс (Емили).

Ова му ги отвори вратите и кон други проекти на Нетфликс, а најпознат од нив е филмот Ticket To Paradise, каде што глуми дечко на Џулија Робертс.

Освен што глуми, тој работи и како модел

Една од најголемите кампањи на кои работел е реклама за Chanel

https://youtu.be/um6iWqZN1hY?feature=shared

Повеќе фотографии на следната страница...