Вонбрачниот син го запознал на 7 години, неговата смрт ја опишува како најтешка во животот - Факти за Ник Кејв, кој вчера пееше во Скопје

Австралискиот музичар Ник Кејв, вчеравечер (22 август) одржа концерт во Скопје и првпат пееше преде македонската публика. Што знаеме за екстравагантниот музичар?

Фронтменот на бендот Bad Seeds, Ник Кеј, е роден во септември 1957-ма, и на свои (скоро) 68 години изгледа одлично.

Вчеравечер тој првпат настапи пред македонската публика. Беше и енергичен и меланхоличен и воодушеви со својата изведба.

Но, животот не „го галел“ секогаш, а Кејв низ годините имаше и подеми и падови, а можеби најголемиот од сите е загубата на синот.

Што знаеме за Ник Кејв?

Роден е во Варакнабил, Австралија, но голем дел од животот го поминал во Бразил и во Велика Британија.

На последниот училиштен ден, Ник и неговите другари се облекле во женски алишта и сите што ги исмевале ги удирале со врежи во кои имало цигли.

Првиот бенд му се викал The Birthday Party, а станале познати поради свирепите шоуа во живо.

„Сакавме да излеземе, да ги злоупотребуваме луѓето, да ги напаѓаме и да ги повредуваме“, рекол тој во една пригода.

Во 1990 година се преселил во Сао Паоло, Бразил, за да побегне од панк и готика култовите кои го сметале за свој идол.

Ник се опседнал со Бразил откако го гледал филмот Pixote, во кој се прикажува страшната реалност на младите деликвенти во земјата.

Кејв е талентиран сценарист, па Расел Кроу инсистирал токму тој да го напише сценариото за продолжението на Gladiator, но продуцентите и студиото ги одбиле неговите идеи.

„Сакав да напишам анти-воен филм и да го искористам гладијаторот како бесна воена машина.

Тој почина во првиот ден, па сега сакав да се врати како вечен воин. Филмот требаше да заврши со Виетнам и Пентагон“ - рекол тој за својата идеја.

Продолжува на следната страница...