8 митови во кои веруваме уште од детството (и вистината зад нив)

Мит 5: Имало период кога луѓето и диносаурусите коегзистирале

Кога првпат сте дознале за постоењето на диносаурусите, сигурно сте се прашувале како се снаоѓале луѓето кои живееле во ист период со нив.

И, ова е мит во којшто веруваат многумина.

Во реалноста, диносаурусите изумреле околу 60 милиони години пред настанокот на човекот.

Мит 6: Црните дупки се дупки

Поради името и тоа што се вели дека вовлекуваат сè во себе, нормално е да помислите дека црните дупки се токму дупки.

Но, тие се небесни тела (како планета или ѕвезда) со огромна густина и многу силна гравитација. Поради оваа силна гравитација, тие привлекуваат сè околу себе, дури и светлина.

Мит 7: Никогаш не треба да разбудите личност која месечари

Иако е мала веројатноста во животот да се соочите со личност која месечари, веруваме дека сте го слушнале овој мит.

Сосема во ред е да разбудите личност која месечари. Можно е да биде збунета, но тоа не значи дека сте ѝ наштетиле.

Ако ја оставите да месечари, постои ризик да се повреди.

Мит 8: Шеќерот предизвикува хиперактивност

Иако ова е мошне популарен мит, досегашните истражувања покажале дека е лажен.

Обично родителите им дозволуваат на децата да јадат повеќе благо на родендени или некакви прослави. Па, еуфоријата што ја чувствуваат може да биде од самото опкружување, а не од шеќерот.

Шеќерот може да даде повеќе енергија, но не и да предизвика хиперактивност. Кога, пак, нагло ќе се намали во организмот, можно е да се јави летаргичност.

Спирова С. | Црнобело