Сака да има деца, не крие дека е геј - Што знаеме за Џонатан Бејли, актерот избран за најсекси маж за 2025?
Кога ја доби улогата на лорд Антони во Bridgerton стана миленик на жените, но ги разочара со признанието дека е геј. Неговите бакнежи со Скарлет Јохансон, дури и пред очите на нејзиниот сопруг предизвикаа многу изммешани реакции. Факти за најсексапилниот маж за 2025-та.

Актерот Џонатан Бејли беше избран за најсекси маж за 2025 според People, а јавноста коментира дека ова е првиот вистински добар избор на магазинот по долго време.
Бејли, кој се прослави со улогата на лордот Антони во серијата Bridgerton, пак, во своето интервју, откри дека не очекувал ваква ласкава титула, но и дека пријателите со кои се дружи долго и кои ги знаат неговите тајни, ќе го „утепаат од зафркавање“.
Во моментов тој се подготвува за премиерата на филмот Wicked: For Good, вториот дел на филмот во кој глумеше покрај Аријана Гранде.
Во текот на летото, пак, со Скарлет Јохансон го промовираше филмот Jurassic Park: Rebirth и предизвика низа коментари, бидејќи, пред очите на нејзиниот сопруг се бакнуваа во уста на скоро секое појавување на црвениот тепих.

Но, Џонатан не крие дека е геј - тој е првиот кој е избран за најсекси маж во светот на People, а да не ја крие својата хомосексуална ориентација.
Што знаеме за Џонатан Бејли?
Роден е на 25 април 1988 во Валингфорд, Англија.
Има три постари сестри и вели дека поради „брилијантните жени во неговиот живот“ израснал во личноста која што е денес.

Глуми од дете, а настапувал со Royal Shakespeare Company.
Имал само 8 години кога добил улога во мјузиклот Les Misérables.

Земал часови по балет, но одел и на часови по пијано и кларинет.

Првите филмски улоги ги добил на 15 години, и иако бил примен на неколку универзитети, ги одбил за да се запише во драмско училиште.

