Инспиративни цитати кои ќе ви помогнат да останете фокусирани

Стигнувањето до врвот и остварувањето на соништата не е лесна работа како што понекогаш ни изгледа. Тоа често бара многу жртва, трпение и напорна работа.

За да останете фокусирани и да истраете во она што го работите, прочитајте ги овие инспирациски цитати кои ќе ви помогнат во планирање на вашето време и остварување на целите. 

1. „Не можете да зависите од вашите очи, кога имагинацијата ви е надвор од фокус”- Марк Твен 

За да ги остварите вашите цели и соништа мора да имате добро подготвен план и она што ви треба е креативност и размислувања „надвор од кутијата”. Мора да имате голема страст кон она што го работите. 

2. „Аматерите седат и чекаат инспирација, останатите од нас седнуваат и работат”- Стивен Кинг 

Не чекајте нешто добро да се случи - едноставно, овозможете го. Самите направете пат како би можеле убавините да стигнат до вас. 

3. „Вие можете да одложувате, но времето нема да го стори тоа. Изгубеното време никогаш нема да го пронајдете”- Бенџамин Френклин

Самиот цитат кажува многу. Не ги одложувајте обврските и завршете денес сè што имате, а утре е нов ден и нов почеток. 

4. „Целта без план е само желба”- Антоан де Сент Eгзипери

Планирајте мудро и предвидете ги сите работи кои би можеле да тргнат наопаку и не дозволувајте ништо да ве изненади. Тоа е рецепт за успех на вашите желби. 

5. „Се обидувам да учам од минатото, но ја планирам иднината исклучиво врз сегашноста. Бидејќи во сегашноста е целата забава”- Доналд Трамп 

Фокусирајте се на сегашноста, минатото не можете да го вратите, а иднината ионака e далеку.