Најубавите цитати од францускиот писател Гијом Мисо

Неговите романи се читаат во еден здив и буквално оставаат без здив.

Францускиот писател Гијом Мисо знае како да допре до срцето на публиката, па токму затоа неговите книги се едни од најпродаваните ширум светот.

На 19 години Гијом отишол во Америка и заработувал продавајќи сладолед, а по враќањето во Франција полн со идеи започнал да пишува.

Неговата прва книга е издадена во 2001 година, а по доживеаната тешка сообраќајна незгода се заинтересирал за луѓето кои имале искуство да бидат блиску до смртта и започнал да пишува за тоа.

Тој се вбројува во најпродаваните автори во Франција, а досега неговите книги се преведени на 34 јазици и продадени се во 11 милиони примероци ширум светот.

Дел од неговите романи се: „А потоа...“, „Спаси ме“, „Дали ме чекаш?“, „Затоа што те љубам“, „Како без тебе“, „Ангелски повик“, „7 година подоцна“, „Девојката од Бруклин“ итн.

Ви претставуваме некои од неговите најубави цитати:

1. „Постојат работи чиј тек не можеме да го спречиме. Тоа што мора да се случи, ќе се случи, без обѕир на сите наши обиди да го спречиме.“

2. „Понекогаш мора да ја свртиме страницата за да можеме на наредната да напишеме нешто ново.“

3. „Светот нема да ти подари ништо, верувај ми. Ако сакаш да имаш живот, укради го.“

4. „Ако ги погазиме сопствените вредности, сме погазиле сѐ.“

5. „И со последниот здив сфаќам сѐ: Дека времето не постои, дека животот е единственото што го имаме, дека никогаш не треба да го презираме, дека сите ние сме едно и дека најважното секогаш ќе ни бега.“

6. „Бев толку блиску до тебе, што ми е толку студено кога сум покрај други.“

7. „Судбината е изговор за оние што одбиваат да ја преземат одговорноста за сопствениот живот.“

8. „Најубавите години се оние кои допрва треба да се доживеат.“

9. „Би сакал да можам повеќе да ви помогнам, да ви помогнам да го пронајдете вистинскиот пат кој води од мракот и од незнаењето во кое творите. Но ќе морате самите да го пронајдете тој пат. Мудроста никогаш нема да ја добиете на чинија. Да е поинаку, тоа не би била мудрост.“

С. С. | Црнобело