„Јас сум посилна од стравот“: 13 инспиративни цитати од Малала Јусуфзаи

Таа е една од најпознатите светски активистки за мир која вели дека секој има право да го живее животот на начинот на кој сака.

Инспиративната активистка од Пакистан денес има 20 години и студира на Оксфорд.

Малала Јусуфзаи е најмладата добитничка на Нобелова награда. Нејзината инспиративна животна приказна прочитајте ја ТУКА.

Дел од нејзините мотивирачки цитати:

- „Да запомниме: Една книга, едно пенкало, едно дете и еден учител може да го променат светот.“

- „Кога целиот свет е тивок, дури и само еден глас станува моќен.“

- „Јас зборувам не за себе, туку за тие без глас. Тие што се борат за нивните права, право на живот во мир, право да бидат третирани со достоинство, право на еднаквост и можност, право да бидат едуцирани.“

- „Ако одите каде било, дури и во рајот, ќе ви недостига вашиот дом.“

- „Најдобриот начин да ги решите проблемите и да се борите против војната е преку дијалог.“

- „Постојат многу проблеми, но јас мислам дека постои решение за сите овие проблеми. Тоа е само едно – едукацијата.“

- „Велам – јас сум посилна од стравот.“

- „Интересна е моќта на социјалните мрежи, па треба да се обидеме да ги користиме на позитивен начин.“

- „Сметам дека имам право да го живеам мојот живот на начин на кој јас сакам.

- „Мојата приказна е приказна на илјадници луѓе во светот. Се надевам дека ќе ги инспирира другите да се борат за своите права.“

- „Постојат толку многу личности во нашата историја кои не верувале дека може да направат промена, но направиле.“

- „Животот не е само вдишување на кислород и испуштање на јаглерод диоксид.“

- „Ајде да ја направиме нашата иднина сегашност и да ги претвориме нашите соништа во утрешна реалност.“

С. С. | Црнобело